எந்த ஒரு சுபகாரியங்கள் செய்ய நாம் முதலில் பார்ப்பது நல்ல நாளா, சுப முகூர்த்தம் அமைந்துள்ளதா, நல்ல காரியம் செய்ய உகந்த திதிகள் இருக்கிறதா, லக்கினங்கள் இருக்கிறதா என்பதை நாம் பார்ப்பது அவசியமாகிறது.
சுப காரியங்கள், நல்ல காரியங்கள் நடத்துவதற்கு முன் நாம் முதலில் நாட்களையும், நல்ல நேரத்தையும் பார்ப்பதற்காக அணுகுவது நல்ல ஜோதிடர்களைத் தான்.
நாம் பல காலமாக சுப தினம், சுப நேரத்தை பார்த்து நல்ல செயல்களை செய்யத் தொடங்குவது வழக்கமாகக் கொண்டிருக்கின்றோம்.
திருமணத்திற்கான சுப முகூர்த்த நாள், நேரத்தை குறிப்பது முதல், குழந்தைக்கான சீமந்தம் செய்ய, குழந்தை பிறந்து பெயர் வைக்க, குழந்தையை வெளியில் எடுக்க, குழந்தைக்கு கல்வி கற்க அனுப்ப என எல்லா வித நிகழ்ச்சிகளுக்கும், நாம் நல்ல நாள், நல்ல நட்சத்திரம் பார்ப்பதை வழக்கமாக வைத்துள்ளோம்.
ஜோதிடத்தில் 27 நட்சத்திரங்கள் இருக்கிறது. அதில் சில நட்சத்திரங்கள் வரும் போது சுபமாக பார்க்கப்படுகிறது. அந்த தினத்தில் சுபகாரியங்கள் செய்ய உகந்தது என ஜோதிட சாஸ்திரம் கூறுகின்றது. எந்த நட்சத்திரங்கள் வரும் போது எப்படிப்பட்ட சுப காரியங்கள் செய்யலாம் என்பதை நமது ஓம் நமசிவாய ஆன்மீக குழுவிலிருந்து விரிவாக தெரிந்துகொள்ளலாம்.
நட்சத்திரங்களும் சுபகாரியங்களும் :
அஸ்வினி நட்சத்திரம் :
திருமணம் செய்யலாம், சமுத்திர பயணம் (கடல் கடந்து வெளிநாடு பயணம் செய்ய), திருமணத்திற்கான மாங்கல்யம் செய்ய உகந்த நாள், உபநயன செய்யலாம்.
ரோகிணி நட்சத்திரம் :
திருமணம் செய்யலாம், கர்ப்பிணிகளுக்கான சீமந்தம், கிரக பிரவேசம் செய்யலாம்,
மிருகசீரிஷம் நட்சத்திரம் :
திருமணம் செய்ய உகந்த நாள்
புனர்பூசம் நட்சத்திரம் :
விவாகம் செய்யவும், குழந்தைகளுக்கான உபநயனம் செய்யலாம்
பூசம், மகம், உத்திரம், ஹஸ்தம் நட்சத்திரங்கள் :
திருமணம் செய்யவும், மாங்கல்யம் செய்ய உகந்த நாள்
சுவாதி நட்சத்திரம் ;
புதுமனை புகுவிழாவுக்கு ஏற்ற நாள், திருமணம் செய்யலாம்
மூலம் நட்சத்திரம், உத்திராடம் நட்சத்திரம், திருவோணம் நட்சத்திரம், அவிட்டம் நட்சத்திரம், சதயம் நட்சத்திரங்கள் :
இந்த நட்சத்திரங்கள் அமைந்த நாளில் திருமணம் செய்ய உகந்தது.
உத்திரட்டாதி நட்சத்திரம், ரேவதி நட்சத்திரம் :
இந்த நட்சத்திரங்கள் வரும் போது விவாகம் செய்யலாம்.
திதிகளும், சுபகாரியங்களும் :
நட்சத்திரங்கள் மட்டுமல்லாது, அதனுடன் சேர்ந்து வரக்கூடிய திதிகளைப் பொறுத்து சுபகாரியம் செய்ய உகந்ததாகப் பார்க்கப்படுகிறது.
அதாவது துதியை, திருதியை, பஞ்சமி, சஷ்டி, சப்தமி, தசமி, ஏகாதசி, துவாதசி, திரயோதசி ஆகிய திதிகள் வரும் போதும், அதோடு சுப நட்சத்திரங்கள் சேர்ந்து வரும் போது திருமணம் செய்வதற்கான உகந்த நாள். இந்த திதிகளில் திருமணம் தொடர்பான திதிகளாகும்.
லக்கினங்களும், சுபகாரியங்களும் :
ரிஷபம், மிதுனம், கடகம், கன்னி, துலாம், தனுசு, கும்பம் ஆகிய லக்கினங்கள் வரும் போது கல்யாணம் செய்ய நல்ல லக்கினங்களாகும்.
