ஐந்து வகை நமஸ்காரங்கள்

நமது ஓம் நமசிவாய ஆன்மீக குழுவிலிருந்து ஐந்து வகை நமஸ்காரங்கள் பற்றிய பதிவுகள் :

நாம் செய்யும் நமஸ்காரங்கள் ஐந்து வகைப்படும். அவை, 

1. ஓரங்க நமஸ்காரம், 

2. மூன்று அங்க நமஸ்காரம், 

3. (பஞ்ச அங்க) பஞ்சாங்க நமஸ்காரம், 

4. சாஷ்டாங்க நமஸ்காரம்,

5. அஷ்டாங்க நமஸ்காரம்.

1. ஓரங்க நமஸ்காரம்:

வழிபடுபவர், தனது தலையை மட்டும் குனிந்து வழிபாடு செய்தல் ஓரங்க நமஸ்காரம் எனப்படுகிறது.

2. மூன்று அங்க நமஸ்காரம்:

வழிபடுபவர், தலைமேல் தனது இரு கைகளையும் கூப்பி வழிபடுவது மூன்றங்க நமஸ்காரம்.

3. பஞ்ச அங்க நமஸ்காரம்:

வழிபடுபவர், தனது தலை, கைகள் மற்றும் முழங்கால்கள் ஆகிய ஐந்து அங்கங்கள் மட்டும் தரையில் படுமாறு வழிபாடு செய்வது பஞ்ச அங்க (பஞ்சாங்க) நமஸ்காரம் எனப்படுகிறது. பஞ்சாங்க நமஸ்காரம், பொதுவாக பெண்கள் மட்டுமே செய்யக்கூடிய நமஸ்காரம் ஆகம்.

4. அஷ்டாங்க நமஸ்காரம்:

ஒருவர், தமது தலை, காதுகள், கைகள், தோள்கள், முகவாய்க்கட்டை ஆகிய எட்டு உறுப்புகள் தரையில் படும்படி வணங்குதல் அஷ்டாங்க நமஸ்காரம் ஆகிறது.

5. சாஷ்டாங்க நமஸ்காரம்:

வழிபடுபவர் தமது தலை, கைகள், மார்பு மற்றும் முழங்கால்கள் முதலான அத்தனை அங்கங்களும் பூமியில் படும்படி வழிபாடு செய்வது சாஷ்டாங்க நமஸ்காரம் எனப்படும்.

"செயல் ஆவது யாதொன்றும் இல்லை எல்லாம் உன் செயல்" என்று இறைவனை சரணாகதி அடைவதே நமஸ்காரத்தின் நோக்கமாகும்.