இராமாயணத்தில் உலகின் தூண்களாக விளங்கும் நால்வரான – ஸ்ரீ ராமன், பரதன், லட்சுமணன் மற்றும் சத்ருக்னனைப் பற்றி வால்மீகி எழுதிய இராமாயணத்தில் மிக முக்கியமான பாத்திரங்களை வகிக்கின்றனர்.
இவர்கள் நால்வரும் அயோத்தியாவின் அரசன் தசரதனின் மைந்தர்களாகப் பிறந்தவர்கள். ஒவ்வொருவரும் தனித்தனியாக தர்மம், அன்பு, ஒற்றுமை, நம்பிக்கை போன்ற உயரிய பண்புகளை எடுத்துக்காட்டுகின்றனர்.
தற்போது இவர்கள் நால்வரின் பிறந்த நாளை நாம் இந்த பங்குனி மாதத்தில் முறையே கொண்டாடி வருகிறோம். அதாவது பங்குனி மாத நவமி திதியில் ஸ்ரீ ராமரும், மறுநாள் தசமியில் பரதனும், அதன் மறுநாள் ஏகாதசியில் லட்சுமணன் மற்றும் சத்ருக்னும் அவதரித்து உள்ளனர்.
இந்த நால்வரின் குணாதிசயங்கள், பண்புகள் மற்றும் அவதாரங்கள் குறித்து நமது ஓம் நமசிவாய ஆன்மீக குழுவின் மூலம் மேலும் விரிவாக தெரிந்துக் கொள்ளலாம்.
1. ஸ்ரீராமர் (ராமன்)
தசரத சக்கரவர்த்திக்கும் கோசலை அன்னைக்கும் மகனாக அயோத்தியில் நவமி திதியில் அவதரித்தார். இவர் இராமாயண காவியத்தின் நாயகர் ஆவார்.
ஸ்ரீ ராமன் வைஷ்ணவ மரபின் இறைவனான மஹாவிஷ்ணுவின் அவதாரமாகக் கருதப்படுகிறார். அவரது வாழ்க்கை முழுவதும் தர்மம் என்ற கொள்கையின் அடிப்படையில் நகர்கிறது.
தந்தை கூறிய வாக்கை காப்பதற்காக 14 ஆண்டுகள் காட்டில் தங்குகிறார். சீதையை கவர்ந்துச் சென்ற, ராவணனை முறியடித்து தர்மத்தை நிலைநாட்டுகிறார்.
இல்லறம், தர்மபத்தியம், உறுதியான மனப்பக்குவம், கருணை, தியாகம் மற்றும் பொறுமை போன்றவை இவரது முக்கிய பண்புகளாகும்.
2. பரதன்
தசரத சக்கரவர்த்திக்கும் கைகேயி அன்னைக்கும் மகனாக அயோத்தியில் தசமி திதியில் அவதரித்தார். பரதன் ஸ்ரீ ராமனின் தமையன் ஆவார்.
இவர் மஹாவிஷ்ணு கைகளில் ஏந்தியிருக்கும் ஆயுதங்களில் ஒன்றான பாஞ்ச சன்யம் என்னும் சங்கின் மாணிட அவதாரம் ஆவார்.
பரதன், தனது தாயின் கைகேயியின் சூழ்ச்சியால் சிம்மாசனத்தைப் பெறும் வாய்ப்பு இருந்தபோதிலும், அதனை நிராகரிக்கிறார். ராமரின் பாதரட்சையை (செருப்பு) வைத்து அரசை ஆண்டவர்.
சுயநலமற்ற அன்பு, அரசியல் ஒழுக்கம், சகோதர பக்தி முதலியவை இவரது சிறந்த பண்புகளாகும்.
3. லட்சுமணன்
தசரத சக்கரவர்த்திக்கும் சுமித்திரை அன்னைக்கும் மகனாக அயோத்தியில் ஏகாதசி திதியில் அவதரித்தார். இவர் ராமரின் நிழல் போல வாழ்ந்தவர்
லட்சுமணன் சிறந்த வீரனாகவும், அன்பான தம்பியாகவும் விளங்கியவர். ராமர் காட்டிற்குச் செல்லும் பொழுதும், அவருடன் உறுதுணையாக இருந்தார்.
சீதை அபகரிக்கப்பட்டதும் ராமருடன் ராவணனுக்கு எதிராக போராடியவர். இவர் ஆதிசேஷனின் மாணிட அவதாரம் ஆவார்.
சகோதரத்துவம், வீரதனம், பாதுகாப்பு உணர்வு போன்றவை இவரது முக்கிய பண்புகளாகும்.
4. சத்ருக்னன்
தசரத சக்கரவர்த்திக்கும் சுமித்திரை அன்னைக்கும் மகனாக அயோத்தியில் ஏகாதசி திதியில் அவதரித்தார். லட்சுமணன் மற்றும் சத்ருக்னன் இருவரும் ஒரே நேரத்தில் பிறந்த இரட்டைக் குழந்தைகள் ஆவார்.
இவர் பரதனின் நிழலாக இருந்தார். இவர் அதிகமாக பேசப்படாமல் இருந்தாலும் மிகுந்த ஆளுமை மிக்கவர்.
மிகுந்த செயல்திறன் மற்றும் சமர்த்தத்துடன், இலவனன் (மதுரையின் அரசன்) எனும் ராகு வம்ச அரசனை வீழ்த்தி, மதுரையை ஆட்சி செய்தவர்.
இவர் மஹாவிஷ்ணு கைகளில் ஏந்தியிருக்கும் ஆயுதங்களில் ஒன்றான சுதர்சன சக்கரத்தின் மாணிட அவதாரம் ஆவார்.
சாமர்த்தியம், தொண்டாற்றும் பண்பு, தன்னலமற்ற வீரன் முதலியவை இவரது முக்கிய பண்புகளாகும்.
இந்த நால்வரும் இல்லற தர்மம், சகோதரத்துவம், பணிவு, சிந்தனையின் தூய்மை ஆகியவற்றின் உன்னத எடுத்துக்காட்டுகள். இவர்களது வாழ்வும் செயல்களும் நாம் பின்பற்ற வேண்டிய ஒரு உயர்ந்த பாதை.
• ராமர் – தர்மத்தின் தூண்.
• பரதன் – சகோதர அன்பின் சிகரம்.
• லட்சுமணன் – பணிவும் வீரமும் சேர்ந்தவன்.
• சத்ருக்னன் – தொண்டின் தோன்றாத நாயகர்.
ஓம் ஸ்ரீ ராமாய நமஹா!
ஓம் பரதாய நமஹா!
ஓம் லக்ஷ்மணாய நமஹா!
ஓம் சத்ருக்னாய நமஹா!
