சிவபெருமானின் உபதேசம் நிகழ்ந்த திருத்தலங்களைத் தரிசிக்க அறியாமை நீங்கும், கல்வி - கலைஞானம் சித்திக்கும் என்பார்கள் பெரியோர்கள். அப்படியான சிவத்தலங்கள் சிலவற்றைக் காண்போம்.
உத்திரகோசமங்கை:
உமையம்மைக்கு இறைவன் வேதாகமங்களின் ரகசியங்களை உபதேசித்த தலம் இது.
ஓமாம்புலியூர்:
இந்தத் தலத்தில் ஸ்ரீதட்சிணா மூர்த்தி, உமாதேவிக்கு, பிரணவப் பொருளை உபதேசித்ததாகப் புராணம் சொல்கிறது.
இன்னம்பர்:
அகத்தியர், இறைவனிடம் இலக்கண உபதேசம் பெற்ற தலம்.
ஆலங்குடி:
சுந்தரர் இந்தத் தலத்தில் ஸ்ரீதட்சிணா மூர்த்தியை வழிபட்டு, பஞ்சாட்சர உபதேசம் பெற்றார்.
சிதம்பரம்:
பைரவரின் பிரம்ம தத்துவத்தை உபதேசித்த தலம்.
திருப்பெருந்துறை:
சிவன், குருவாக இருந்து, மாணிக்கவாசகருக்கு உபதேசம் செய்த தலம்.
திருப்பனந்தாள்:
அம்பாள், சுவாமியிடம் ஞானோபதேசம் பெற்றது.
திருக்கடவூர்:
பிரம்மன் ஞானோபதேசம் பெற்றது.
மயிலாடுதுறை:
குருபகவானிடம் நந்தி உபதேசம் பெற்ற ஊர்.
திருவானைக்கா:
அம்பிகை ஞானோபதேசம் பெற்ற திருத்தலம்.
